திமுக அணிக்கு தேசிய லீக் தலைவர் வாக்கு சேகரிப்பு
குடியாத்தம், மே 8: வேலூர் மக்களவைத் தொகுதி திமுக கூட்டணி வேட்பாளர் எம்.அப்துல் ரஹ்மானுக்கு ஆதரவாக தேசிய லீக் கட்சியின் மாநிலத் தலைவர் பஷீர் அஹமத் குடியாத்தம் பகுதியில் வியாழக்கிழமை இரவு வாக்கு சேகரித்தார்.
ஜோதி மடம், பீரான் நகர், தரணம்பேட்டை, சித்தூர்கேட், தாழையாத்தம் ஆகிய பகுதிகளில் அவர் பிரசாரம் மேற்கொண்டார்.
அவருடன் திமுக நகரச் செயலர் மா.விவேகானந்தன், மாணவர் அணி அமைப்பாளர் ம. மனோஜ், விடுதலை சிறுத்தைகள் கட்சி மாவட்டச் செயலர் சிவ.செல்லபாண்டியன் உள்ளிட்டோர் சென்றனர்.
