தேர்தலில் குழப்பம் இல்லை பிரதமர் யார் என்பதை தமிழக மக்கள் முடிவு செய்து விட்டார்கள்
சிவகாசியில் பேராசிரியர் காதர்மொய்தீன் பேச்சு
சிவகாசி, மே.3-
பிரதமர் யார் என்பதை தமிழக மக்கள் முடிவு செய்து விட்டனர் என சிவகாசியில் நடந்த தேர் தல் பிரசார கூட்டத்தின் போது காதர் மொய் தீன் பேசினார்.
பிரசார கூட்டம்
ஐக்கிய ஜனநாயக முற் போக்கு கூட்டணி சார்பில் சிவகாசி பாவடித்தோப்பு திடலில் தேர்தல் பிரசார கூட்டம் நடைபெற்றது. இந்த கூட்டத்தில் கலந்து கொண்ட இந்திய ïனியன் முஸ்லிம் லீக்கட்சியின் தமிழ் மாநில செயலாளர் காதர்மொய்தீன் பேசியதாவது:-
தமிழகத்தில் கடந்த முறை நடந்த பாராளுமன்ற தேர்த லில் 40 இடங்களில் தி.மு.க.- காங்கிரஸ் கூட்டணி வெற்றி பெற்றது. அதேபோல் இந்த முறையும் 40 தொகுதிகளிலும் தி.மு.க.-காங்கிரஸ் கூட்டணி வேட்பாளர்களை வெற்றிபெற செய்து நாட்டிற்கு வர இருக் கும் பேராபத்தை விரட்டி அடிப்போம். பெரிய குழப் பத்தை உருவாக்கி மதங்க ளுக்கு இடையே மோதலை உருவாக்க சிலர் முயற்சித்து வருகிறார்கள். பள்ளிவாசலை இடித்து அங்கு தான் ராமர் பிறந்தார். அங்கு தான் கோவிலை கட்டுவோம் என்றால் என்ன நியாயம்? 428 ஆண்டுகள் அங்கு தொழுகை நடந்தது என்பது உண்மை யானால் அங்கு மீண்டும் பள்ளிவாசல் வந்து தான் தீரும். அங்கு தொழுகை நடந்துதான் தீரும். குஜராத்தில் கலவரம் தூண்டப்பட்டு தற்போது அங்கு லட்சக்கணக்கான முஸ் லிம்கள் அகதிகளாக இருக்கிறார்கள். அங்கு இருந்த 699 முஸ்லிம் கிராமங்கள் தற் போது இல்லை. அப்படிப் பட்ட கலவரத்தை நடத்திய மோடிக்கு 64 வகை உணவு டன் விருந்துவைத்தவர் தான் ஜெயலலிதா.
யாருக்கு ஓட்டு
உங்கள் கூட்டணியில் யார் பிரதமர்? நீங்கள் யாருக்கு ஓட்டு கேட்கிறீர்கள். இந்தியா வின் பிரதமர் வைகோ என்று யாராவது எழுதி கொடுத்து விட்டார்களா? இலங்கையில் 3 லட்சத்துக்கும் மேற்பட்ட முஸ்லிம்கள் அகதிகளாக திரிகிறார்கள். நாங்கள் தமிழ் இனத்தை அழித்து வரும் ராஜபக்சே அரசை ஆதரிக்க வில்லை. இலங்கையில் அப் பாவி தமிழர்கள் கொல்லப்ப டுவதை தடுக்கத் தான் நாங் கள் அங்கே போர் நிறுத்தம் செய்ய வேண்டும் என்று தொடர்ந்து வற்புறுத்தி வருகி றோம். இலங்கை பிரச்சினை பற்றி முழுவதும் தெரிந்தவர் கருணாநிதி மட்டும் தான். வைகோவுக்கு எதுவும் தெரி யாது. முஸ்லிம் சமுதாயத் துக்கு நீங்கள் செய்த நன்மை கள் என்ன? தமிழ் மக்கள் மத்தியில் குழப்பம் இல்லை.
330 திட்டங்கள்
யார் பிரதமர் என்பதில் அவர்கள் தெளிவாக இருக்கி றார்கள். மன்மோகன் சிங் இந்தியாவின் பொருளாதா ரத்தை நிலை நிறுத்தியவர். அதனால் தான் அவரை சோனியா பிரதமராக அறி வித்தார். அமெரிக்க பொரு ளாதாரம் ஆட்டம் கண்டு கொண்டு இருக்கிறது.இதில் இந்தியா மற்றும் சீனா ஆகிய இரு நாட்டின் பொரு ளாதாரத்தில் எந்தவித பிரச் சினையும் இல்லாமல் இருக் கிறது. அதற்கு மன்மோகன் சிங்தான் காரணம். நாம் பிரதமரை தேர்ந்தெடுத்து விட்டோம். அதற்கு இந்த தொகுதியில் காங்கிரஸ் கட்சி சார்பில் போட்டியிடும் மாணிக் தாகூரை வெற்றி பெற செய்யவேண்டும். சென்ற முறை தமிழகத்தை சேர்ந்தவர்கள் 13 பேர் அமைச்சர்களாக இருந்த னர் இந்த முறை 15-க்கும் மேற் பட்டவர் அமைச்சராக உட் கார போகிறார்கள். கடந்த 5 ஆண்டுகளில் தமிழகத்தில் மட்டும் 330 திட்டங்களை நிறைவேற்றியுள்ளோம். இந்த தொகுதியில் கை சின் னத்தை தவிர வேறு யாருக்கு வாக்க ளித்தாலும் அது செல்லாத வாக்காக மாறும். தமிழகத் தில் கருணாநிதி செயல் படுத்தி வரும் திட்டங்களை மற்ற மாநிலங்கள் தற்போது பின்பற்றி வருகிறார்கள். இவ்வாறு அவர் பேசி னார்.
இந்த கூட்டத்தில் தி.மு.க., காங்கிரஸ் கட்சியை சேர்ந்த முக்கிய நிர்வாகிகள் கலந்து கொண்டனர்.
