பாங்காக் காயல் நல மன்றம் கட்டிக்கொடுத்துள்ள காயல்பட்டினம் கே.எம்.டி.மருத்துவமனையில் புதிய பிரசவ வார்டு தேசிய தலைவர் இ.அஹ்மத் திறந்து வைத்தார்!

பாங்காக் காயல் நல மன்றம் கட்டிக்கொடுத்துள்ள காயல்பட்டினம் கே.எம்.டி.மருத்துவமனையில் புதிய பிரசவ வார்டு தேசிய தலைவர் இ.அஹ்மத் திறந்து வைத்தார்!

காயல்பட்டணம் மருத்துவ அறக்கட்டளை – கே.எம்.டி. மருத்துவமனையில் பாங்காக் காயல் நல மன்றம் சார்பில் ரூ.18 இலட்சம் செலவில் கட்டப்பட்டுள்ள பிரசவ வார்டு திறப்பு விழா மிகச்சிறப்பாக நடைபெற்றது. கே.எம்.டி. மருத்துவமனை தலைவர் ஹாஜி எஸ்.எம்.மிஸ்கீன் ஸாஹிப் ஃபாஸீ தலைமை தாங்கினார்.

காயல்பட்டணம் முஸ்லிம் ஐக்கியப் பேரவை தலைவர் ஹாஜி எம்.எம்.உவைஸ், நகர்மன்றத் தலைவர் ஹாஜி வாவு செய்யித் அப்துர்ரஹ்மான், பாங்காக் காயல் நல மன்றத் தலைவர் ஹாஜி வாவு ஷம்சுத்தீன், இந்திய யூனியன் முஸ்லிம் லீக் மாநில பொதுச் செயலாளர் கே.ஏ.எம்.முஹம்மத் அபூபக்கர், மாநில கொள்கை பரப்புச் செயலாளர் காயல் மகபூப் ஆகியோர் முன்னிலை வகித்தனர்.

ஹாஃபிழ் அமீர் சுல்தான் கிராஅத் ஓதினார். கே.எம்.டி. மருத்துவமனை செயலாளர் ஹாஜி டி.ஏ.எஸ்.முஹம்மத் அபூபக்கர் வரவேற்றுப் பேசினார். திருச்செந்தூர் சட்டமன்ற உறுப்பினர் அனிதா ஆர்.ராதாகிருஷ்ணன், இந்திய யூனியன் முஸ்லிம் லீக் தேசிய பொதுச் செயலாளரும், மாநில தலைவருமான பேராசிரியர் கே.எம்.காதர் மொகிதீன் ஆகியோர் வாழ்த்துரை வழங்கினர்.

புதிய கட்டிடத்தைத் திறந்து வைத்து, மத்திய இரயில்வே துறை இணையமைச்சரும், இந்திய யூனியன் முஸ்லிம் லீக் தேசிய தலைவருமான இ.அஹ்மத் ஸாஹிப் சிறப்புரையாற்றினார். அப்போது அவர் பேசுகையில் குறிப்பிட்டதாவது:-

காயல்பட்டினம் பெருநகரில் சிறப்பிற்குரிய மருத்துவமனையில் இந்த பிரசவ வார்டு திறப்பு விழா நிகழ்ச்சியில் கலந்துகொள்வதில் நான் மிக்க மகிழ்ச்சியடைகிறேன்.

சிறுபான்மை முஸ்லிம் சமுதாயம் இந்தியாவில் எல்லா துறைகளிலும் முன்னேற்றம் காண வேண்டும் என்பதே நமது லட்சியம். இன்று இருக்கக் கூடிய டாக்டர் மன்மோகன் சிங் தலைமையிலான மத்திய அரசாகட்டும்... தமிழ்நாட்டில் டாக்டர் கலைஞர் தலைமையிலான மாநில அரசாகட்டும... சிறுபான்மை முஸ்லிம்களுக்காக பல்வேறு திட்டங்களை அறிவித்து, அவற்றை நடைமுறைப்படுத்துவதில் மிகுந்த ஆர்வம் கொண்டுள்ளனர். நம் சமுதாயத்தினர் இத்திட்டங்களை பயன்படுத்துவதில் முனைப்புடன் செயல்பட வேண்டும்.

திருச்செந்தூர் சட்டமன்றத் தொகுதிக்கு அண்மையில் நடைபெற்ற இடைத்தேர்தலில், பல்லாயிரக்கணக்கான வாக்குகள் வித்தியாசத்தில் அமோக வெற்றி பெற்றிருக்கக்கூடிய அனிதா ஆர்.ராதாகிருஷ்ணனுக்கு எனது சார்பிலும், இந்திய யூனியன் முஸ்லிம் லீக் சார்பிலும் மனமார்ந்த பாராட்டுக்களையும், வாழ்த்துக்களையும் தெரிவித்துக் கொள்கிறேன். இவரது வெற்றிக்காக, இந்திய யூனியன் முஸ்லிம் லீக் மாநில தலைவரும், தேசிய பொதுச் செயலாளருமான பேராசிரியர் கே.எம்.காதர் மொகிதீன் தலைமையில், முஸ்லிம் லீக் தொண்டர்கள் அயராது உழைத்திருப்பதையறிந்து நான் மெத்த மகிழ்ச்சியடைந்தேன். இதற்காக தமிழக முதல்வர் டாக்டர் கலைஞர் கருணாநிதி, பேராசிரியர் காதர் மொகிதீனை தொடர்புகொண்டு நன்றி தெரிவித்ததையும் நான் அறிவேன்.

நான் இன்று காலையில் காயல்பட்டினத்திற்கு வந்தபோது சகோதரர் அனிதா ராதாகிருஷ்ணன் பற்றி எனக்குத் தெரிவித்தார்கள். நான் அவரை நேரில் காண்பது இதுவே முதல்முறை என்றாலும், தேர்தல் நடைபெற்றுக் கொண்டிருக்கும்போதே அவரைப்பற்றி தொடராக வந்துகொண்டிருந்த செய்திகள் மூலம், நிச்சயம் அவர் வெற்றி பெற்றுவிடுவார் என்று அப்போதே நான் எண்ணினேன். அது இப்போது நிறைவேறியிருக்கிறது. தொகுதிக்கு நன்மைகள் செய்வதில் தனியார்வம் கொண்டுள்ள இவரைப் போன்றவர்கள்தான் இன்றைய அரசியலுக்கு மிகவும் தேவையானவர்கள். அவரது பணி தொடர எனது நல்வாழ்த்துக்களைத் தெரிவித்துக் கொள்கிறேன்.

இன்று காலையில் காயல்பட்டினம் இரயில்வே நிலையத்திற்குத் தேவையான பல கோரிக்கைகள் என் முன் வைக்கப்பட்டது. அவற்றில் பலவற்றை நான் நிறைவேற்ற அதிகாரிகளுக்கு உத்தரவிட்டுள்ளேன்.

அதன் தொடர்ச்சியாக இப்போது உங்கள் தொகுதி சட்டமன்ற உறுப்பினர் அனிதா ராதாகிருஷ்ணன், செந்தூர் விரைவு வண்டியை தினசரி சேவையாக இயக்க வேண்டும் என்று கோரிக்கை வைத்துள்ளார். துறை நிர்வாகிகளிடம் கலந்தாலோசனை செய்து, இக்கோரிக்கையை நிறைவேற்ற நான் அனைத்து முயற்சிகளையும் மேற்கொள்வேன் என இவ்விழாவின் வாயிலாக நான் உங்களுக்குத் தெரிவித்துக் கொள்கிறேன்.

இவ்வாறு இ.அஹ்மத் ஸாஹிப் பேசினார்.

கே.எம்.டி.மருத்துவமனை மேலாளர் கே.அப்துல் லத்தீஃப் நன்றி கூறினார். ஹாஜி எம்.ஏ.அபுல்ஹஸன் ஷாதுலீ ஆலிம் ஃபாஸீயின் துஆவுடன் திறப்பு விழா நிறைவுற்றது.

ஐ.நா. பாதுகாப்பு கவுன்ஸிலில் இ.அஹ்மத் ஆற்றிய உரை!

ஐ.நா. பாதுகாப்பு கவுன்ஸிலில் இ.அஹ்மத் ஆற்றிய உரை!

http://www.muslimleaguetn.com/news.asp

தீவிரவாத தாக்குதல் நடத்தி பெரிய பொருளாதார இழப்பை ஏற்படுத்தும் பயங்கரவாத அமைப்புகளை குறிப்பாக பாகிஸ்தானில் இருந்து செயல்படும் லஷ்கர்-இ-தொய்பா, மற்றும் ஜமாத்-யுத்-தாவா அமைப்புகளை சட்டவிரோதமான அமைப்புகள் என்று ஐ.நா. சபை அறிவிக்குமாறு இந்தியாவின் சார்பில் இந்திய வெளியுறவுத் துறை இணையமைச்சரும், இந்திய ய+னியன் முஸ்லிம் லீக் தேசிய தலைவருமான, இ.அஹமது கேட்டுக்கொண்டார்.



ஐ.நா. சபையின் பாதுகாப்பு கவுன்சில் கூட்டத்தில், ~பயங்கரவாத தாக்குதலால் சர்வதேச அமைதிக்கும் - பாதுகாப்புக்கும் ஏற்பட்டிருக்கும் அச்சுறுத்தல் இந்த தலைப்பில் நடைபெற்ற விவாதத்தில் இந்தியாவின் சார்பில் கலந்துகொண்டு அமைச்சர் இ. அஹமது இந்திய அரசாங்கத்தின் கருத்துக்களை வெளிப்படுத்தினார்.

பேச்சின் தொடங்கத்தில் அவர் மும்பையில் கடந்த மாதம் நடைபெற்ற பயங்கரவாத தாக்குதல் அதற்கு முன் ஜெய்ப்ப+ர், டெல்லி மற்றும் அஹமதாபாத் போன்ற நகரங்களில் நிகழ்ந்த பயங்கரவாத தாக்குதல்கள் குறித்து விவரித்தார். பின்னர் அவர் கூறியதாவது:-

பயங்கரவாத தாக்குதல்களுக்கு காரணமான அனைவரும் நீதியின் பிடியின் கீழ் கொண்டு வரவேண்டும்., இந்தியா தொடர்ந்து நாட்டுக்கு வெளியே இருந்து வரும் பயங்கரவாத தாக்குதல்களுக்கு ஆட்பட்டு வருகிறது.

ஒரு நாட்டினுடைய அரசியல் விருப்பங்களை பயங்கரவாத தாக்குதல் மூலம் நிறைவேற்ற முயலும் போது பயங்கரமான ஒரு இயந்திரம் உருவாக்கப்படுகிறது. இந்த பயங்கரவாத தாக்குதல்களால் உயிர்ச் சேதங்களும், பொருளாதார சேதங்களும் மிகப்பெரிய அளவில் ஏற்படுகிறது.



எனவே, இந்த மாதிரியான பயங்கரவாத அமைப்புகளை குறிப்பாக, பாகிஸ்தானிலிருந்து செயல்படும் லஷ்கரே இ தொய்பா மற்றும் ஜமாத் யுத் தாவா போன்ற அமைப்புகளை சட்ட விரோதமான தீவிரவாத அமைப்புகளாக ஐ.நா. சபை அறிவிக்க வேண்டும்.

ஜமாத் யுத் தாவா மற்றும் அதுபோன்ற, அமைப்புகள், சர்வதேச அளவில் தடை செய்யப்பட்டு அவற்றிற்கு எதிராக பொருளாதார தடைகளை விதிக்க வேண்டும்.

எந்த நாட்டில் தீவிரவாதம் முளைவிடுகிறதோ அந்த நாட்டில் அவை செயல்படுவதை வேகமான நடவடிக்கைகள் மூலம் தடை செய்ய வேண்டும்., தீவிரவாத தாக்குதல்களி லிருந்து இந்திய மக்களை பாதுகாக்கும் பொறுப்பு இந்திய அரசுக்கு இருக்கிறது., ஆனால், இதுவரை இந்தியா பொறுப்புணர்வோடும், சகிப்புத்தன்மையோடும் இந்த விஷயத்தில் நடந்துகொண்டிருக்கிறது., பயங்கரவாத தாக்குதலை நடத்த அமைப்புரீதியாக செயல்படுபவர்கள், நிதி உதவி வழங்குபவர்கள், விய+கம் வகுத்து கொடுப்பவர்கள் போன்றவர்கள் தண்டிக்கப்பட வேண்டும் .

பயங்கரவாதம் என்ற, தீமையான நடவடிக்கைகளுக்கு கொள்கை ரீதியாக மற்றும் தார்மீக ரீதியாக உதவி செய்பவர்களும் நீதியின் பிடிக்குள் கொண்டுவர வேண்டும். பயங்கரவாத தாக்குதல் நடைபெறும் போதெல்லாம் உலகம் அதிர்ச்சிக் குள்ளாகிறது. அந்த பயங்கரவாத தாக்குதல்களுக்கு பின்னால் உள்ள கட்டமைப்புகள், வெளிப்படையாக தெரிவதில்லை. பயங்கரவாத தாக்குதல்கள் எதேச்சையாக நிகழ்பவை அல்ல. அல்லது எப்போதோ நிகழ்வதும் அல்ல. அவற்றிற்கு முன்கூட்டியே திட்டமிடுகிறார்கள். போதிய பண உதவியும் வழங்குகிறார்கள்.

ஒரு பயங்கரவாத தாக்குதல்களுக்கு சரியான திட்டமிடுதல் தேவைப்படுகிறது. அதற்கு ஆயுதங்கள் தேவைப்படுகின்றன., பயங்கரவாதிகள் தங்குவதற்கு மறைவிடங்கள் தேவைப்படுகின்றன.

எனவே, சர்வதேசரீதியிலும், தேசிய அளவிலும் பயங்கரவாத தாக்குதல் என்ற கொடுமையை அடியோடு வேரறுக்க பயனளிக்கக் கூடிய நடவடிக்கைகளை எடுக்க வேண்டும்.



1996ஆம் ஆண்டில் பயங்கரவாதம் தொடர்பாக ஐ.நா. சபையில் இந்தியா கொண்டு வந்த தீர்மானத்திற்கு சர்வதேச ரீதியில் சட்ட வரைவு கொடுக்கப்பட வேண்டும்., அந்த தீர்மானம் தீவிரவாதத்திற்கு சரியான விளக்கம் கொடுக்கப்படாத காரணத்தை காட்டி அதை கிடப்பில் போட்டுவிடக்கூடாது. ஏனென்றால் பயங்கரவாதம் தொடந்து அப்பாவிகளின் உயிரை பறித்து வருகிறார்கள்.

இவ்வாறு அமைச்சர் .இ.அஹமது தெரிவித்தார்.

ஐ.நா.சபை பாதுகாப்பு சபையில் 15 உறுப்பு நாடுகள் உள்ளன. அதில் இந்தியா இடம் பெறவில்லை. ஆனாலும்கூட இந்தியா அழைக்கப்பட்டு, பேச பரிந்துரைக்கப்பட்டுள்ளது.

எனவே, இ.அஹமதின் பேச்சை ஐ.நா. பாதுகாப்பு சபை உறுப்பு நாட்டு பிரதிநிதிகள் மிகுந்த அக்கறையுடன், கேட்டார்கள்.