இந்திய யூனியன் முஸ்லிம் லீக் ஆலோசனைக் கூட்டம்
அரவக்குறிச்சி, ஜன. 17: கரூர் மாவட்டம், பள்ளப்பட்டி நகர இந்திய யூனியன் முஸ்லிம் லீக்கின் ஆலோசனைக் கூட்டம் அண்மையில் நடைபெற்றது.
மாவட்டச் செயலர் எம்.ஏ.மஹபூப்அலி தலைமை வகித்தார்.
அவசரக் கூட்டம் குறித்து அரவக்குறிச்சி சட்டப் பேரவை உறுப்பினர் எம்.ஏ.கலிலூர் ரகுமான் பேசினார். சிறப்பு விருந்தினராக கரூர் மாவட்ட தலைவர் டி.எம்.எ. முபாரக்பாஷா உலவி ஆகியோர் கலந்து கொண்டு பேசினார்.
கூட்டத்தில், மறைந்த தேசிய தலைவர் முஜாஹிதே மில்லத் ஜிஎம் பனாத்வாலா சாகிப் மறைவுக்கு ஆழ்ந்த இரங்கல் தீர்மானத்தை நிறைவேற்றியது.
ஜன. 31 ஆம் தேதி சென்னையில் நடைபெறும் மஹல்லா ஜமாஅத் ஒருங்கிணைப்பு மாநாட்டிற்கு எல்லா பள்ளிவாசல் முத்தவல்லி மற்றும் உலமா பெருமக்கள், பொது நல அமைப்பு பொறுப்பாளர்கள், பைத்துல்மால் பொறுப்பாளர்கள் ஆகியோர் கலந்து கொள்ள வேண்டும் என இக்கூட்டத்தின் சார்பில் அழைப்பு விடுப்பது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
கூட்டத்தில், மௌவி அப்துல்ரஹ்மான், எ.ஏ.அப்துல் ஜமது, கலிலூர்ரகுமான், அப்துல்கபூர், கே.எம்.முகமது சரீப், இப்ராஹீம், கே.ஏ.ஷாகுல்அமீது உள்ளிட்ட பலர் கலந்து கொண்டனர்.
